![](https://blogger.googleusercontent.com/img/b/R29vZ2xl/AVvXsEh4oY_odXklfPapyOsPdXInQ5gf6Raty0w5g-dgRU0VKzA5GUzXy3SzmV9REbBxCnKAZKK91Koo7EpD-EggTEji3VKBm6PseUenvLRal5_qFxG9qsuE3-lNtJnZ3kr_aWtct6IjnGh9aY1w/s400/015.JPG)
Ingólfurinn minn er loksins búinn með Ungdomsskolen og þá tekur Menntaskóli við, vonandi. En þegar hann byrjaði í 8 bekk þá skrifaði hann undir samning við skólan um að hann ætlaði ekki að byrja að reykja (þetta er gert hér í Norge, en ég veit ekki hvort þetta er gert á Íslandi) og ef hann gat haldið það út í 3 ár að byrja ekki, þá var hann með í svona "ég ætla ekki að byrja að reykja lottói" og sá sem var dreginn út fékk þennan mp4 spilara í verðlaun. Ingólfurinn minn vann, ég er ekkert smá stolt af honum:-) Svo hér er mynd af verðlaunum hans.
![](https://blogger.googleusercontent.com/img/b/R29vZ2xl/AVvXsEjdG0t0hTWq0IARVBN92ThOodcjijmXw_BmV9cEpQlikRns5CUS8Vr_L3ryeuhmAaPerXtW2jNM5yC9LN2eVM2XbGxereZWA2DgulKHAHXQXDSocd1kN-97iTl11cea2hjU-brWNT57Sr5L/s400/014.JPG)
Hér er hann að taka við einkunnunum sínum, klæddur í jakkaföt og alles, en það var svo heitt í kirkjunni að hann tók af sér jakkann.
![](https://blogger.googleusercontent.com/img/b/R29vZ2xl/AVvXsEhd4Qkfuc3XVDBvdCAjYoTJ5BtTVpQYxH8O93xn6eZgLGDS2bjf2GPR-Ypcl5nbZeG6YhNIW-dpGXnYdVixM8Uqs560oop-ORZWxct_yberbUixOnybvu8JtDJ84Cd-YycP9qPQpWD4QHQ-/s400/008.JPG)
Frúin var að hekla eitt stykki rúmteppi, og það kallar jú á mont. En ég er ferlega stolt af mér að hafa klárað þetta, en núna býð ég eftir að einhver komi í heimsókn til mín til að ganga frá spottunum (Gulla mín ertu alveg viss um að þú eigir ekki leið hér um?)
![](https://blogger.googleusercontent.com/img/b/R29vZ2xl/AVvXsEjQbyDy2LiLctplsBKkkhmVPT_Yw4b-8mgauEV_o6xD9n8cuznWw3RVBD7gMfwjkcSFnYopvm_LM5z-3GwOCnBycmbckUaP5DF4fEs65wIFawNftlK1basGgkion86YT2MSfXmTMtRKZz_L/s400/003.JPG)
Og svo er ein mynd af honum Aroni eðaltöffara sem er loksins kominn í sumarfrí, það var síðasti skóladagur í dag og næsta ár fer kappinn í 7 bekk. Tíminn líður svo hratt, en hann er alltaf flottur þessi elska.
Ég þarf að vinna næstu 3 vikur og svo er ég komin í sumarfrí og af fenginni reynslu þá líða þessar 3 vikur alveg ótrúlega fljótt:-) Í dag er búið að rigna eldi og brennisteini, en á morgun á sólin að koma til okkar og í næstu viku á hitinn að vera í kringum 25 gráður;-)
Sendi ykkur bara kossa og knús og ég skal reyna að vera duglegri við að blogga.