![](https://blogger.googleusercontent.com/img/b/R29vZ2xl/AVvXsEixuet243ZXblrxJtXkb2DIcdbvb09eBhmRPnIiVFaOvnSxj_ZrbPIVmHiUOdb3O2KDGyc4JbMLkcUeZQ5pmM4s5UbP_X2LN494YJ1SP9tXWV6N0Ge9b5s821NReGLIBUfsTaGnToy3lpzZ/s400/baby+030.jpg)
Ég og strákarnir fórum og heimsóttum Cassöndru og foreldra hennar í dag:-) Hún var vakandi allan tíman sem við stoppuðum og amman fékk að sjálfsögðu að halda á henni. Alexandra fann það út að það væri best ef að ég , Ásgeir og strákarnir tölum íslensku við hana, því hún verður að sjálfsögðu að læra íslensku líka, en hún og Christoffer tala við hana á norsku.
![](https://blogger.googleusercontent.com/img/b/R29vZ2xl/AVvXsEiUgzpspySmixqMDbet3jdcjxk43hQ1TYtEgv98UhldVHOjU05zh0s8NBzJnNBugCgThaSNLVTi0vGxwdh-IboHfxLZ35leeaG59HDHgsuXWJio2NN9WB439977Xqa5l0bekVjihxrK8s7v/s400/baby+034.jpg)
Hello Kitty, það dugar ekkert annað fyrir svona prinsessur. Ég og Aron fórum svo í dag og keyptum handa henni samfellu, sem á stendur: Ef mamma segir nei við mig, þá spyr ég bara pabba:-) Ferlega krúttlegt, svo keyptum við smekki fyrir hana líka, á öðrum þeirra stendur: höfuð fjölskyldunnar. Ég sá í sumar samfellu sem á stendur: amma mín roolar, þarf að kaupa svoleiðis fyrir hana:-)
![](https://blogger.googleusercontent.com/img/b/R29vZ2xl/AVvXsEhj7iNR3N2GqSI2xWf05QviV0eYpI7olFWZGCvnJ6gnTvVFvJMVoZnkNmxtj0WKn3DGIDg9YSc-sJ1hWqnfa_EO7eNmIxdQlQ7MMYAnVkJzA7H3RteIOb7AJb51HKHGsJj07kePHS6AEFBd/s400/baby+027.jpg)
En þessi unga og spræka amma er alltaf að vinna, í dag fórum við á Skautrollan, alltaf gaman að koma þangað (Skautrollan er útivistarsvæði sem leikskólinn á og þar eru elstu börnin 3 daga í viku, alveg yndislegt að vera þarna) Inni í þessum kofa, kann ekki betra orð yfir þetta, nema ef vera skildi skýli, borðum við og svoleiðis.
![](https://blogger.googleusercontent.com/img/b/R29vZ2xl/AVvXsEgEWFvhhzvmTbLWcIcNNkL3466irxsa6jdQ3yKKAhBlQpHC90tV-buj4SJjPrt8Xc_iXEV3AD8V1JlpxOE-YHgws3g7CKGfNaaZVZC30BB4y9-NosCXBzS7aTq1BS9IOEcVauPuKpQSu4JP/s400/baby+028.jpg)
Svo þurfum við að elda matinn yfir báli, krökkunum finnst þetta alveg frábært, ég hef eldað ýmislegt á bálinu, th. hafragraut, wook, ostasamlokur, tómatsúpu og fleira. Það er ekkert sem er eins gott á bragðið og maturinn sem er eldaður á Skautrollan:-) En við skemmtum okkur mjög vel þarna uppi, það eina sem mér líkar ekki við þarna er að það er útikamar, æl, ég get ekki hjálpað krökkunum að fara á hann, mér verður bara flökurt við að opna hurðina inn á hann:-)
Núna eru bara 6 dagar þangað til að Lúlú og Jón koma:-) Frábært.
Ég keypti mér piparkökur í dag, ummm, það eru nefnilega alveg að koma jól, bara 69 dagar þangað til og þeir eiga eftir að líða eins og skot. Ég er samt ekki byrjuð að hlusta á jólalögin, en ég byrja á því í byrjun nóvember, ég er búin að finna fram alla jóladiskana okkar þannig að ég er klár:-) Svo keypti ég jólagos fyrir strákana og jólamarsipan fyrir Ingólfinn minn:-)
Koss og knús frá ömmunni sem er að komast í jólastuuuð:-)